… आणि तुरुंग बनले गोरगरीबांचे स्वयंपाकघर

तुरुंगातील कैद्यांना माणुसकीच्या नात्याने समाजाशी जोडण्यासाठी आणि सोबतच गोरगरीबांना अत्यल्प दरात अन्न उपलब्ध व्हावे यासाठी केरळमधील कक्कनाड जिल्ह्यातील तरुंग प्रशासनाने महत्वाचे पाऊल उचलले आहे. ‘शेअर ए मील’ या नावाने हा उपक्रम सुरू करण्यात आला असून त्याचा चांगला परिणामही दिसू लागला आहे.

… आणि तुरुंग बनले गोरगरीबांचे स्वयंपाकघर

तुरुंगातील कैद्यांना माणुसकीच्या नात्याने समाजाशी जोडण्यासाठी आणि सोबतच गोरगरीबांना अत्यल्प दरात अन्न उपलब्ध व्हावे यासाठी केरळमधील कक्कनाड जिल्ह्यातील तरुंग प्रशासनाने महत्वाचे पाऊल उचलले आहे. ‘शेअर ए मील’ या नावाने हा उपक्रम सुरू करण्यात आला असून त्याचा चांगला परिणामही दिसू लागला आहे.

… आणि तुरुंग बनले गोरगरीबांचे स्वयंपाकघर

तुरुंगातील कैद्यांना माणुसकीच्या नात्याने समाजाशी जोडण्यासाठी आणि सोबतच गोरगरीबांना अत्यल्प दरात अन्न उपलब्ध व्हावे यासाठी केरळमधील कक्कनाड जिल्ह्यातील तरुंग प्रशासनाने महत्वाचे पाऊल उचलले आहे. ‘शेअर ए मील’ या नावाने हा उपक्रम सुरू करण्यात आला असून त्याचा चांगला परिणामही दिसू लागला आहे.

पुन्हा एकदा वादाच्या भोव-यात अडकणार वंजारा !

vnajara

vnajara
सूरत : पुन्हा एकदा वादाच्या भोव-यात इशरतजहाँ बनावट चकमक प्रकरणी तुरूंगवास भोगणारे गुजरातचे माजी आयपीएस अधिकारी डी. जी. वंजारा हे अडकण्याची शक्यता असून वंजारा सूरतमध्ये पटेल आरक्षणाच्या आंदोलनाचा विरोध करण्यासाठी आले होते त्या वेळी त्यांनी सरदार वल्लभभाई पटेल यांच्या पुतळ्यास पेन आणि बंदुकांची प्रतिकात्मक माळ घातली. त्यांच्या या कृतीचा सर्व स्तरांतून विरोध होत आहे.

गुजरातमध्ये सुरू असणा-या पटेल आरक्षणासाठी आंदोलनाचा विरोध राज्यातील इतर संघटनांकडून होत असतानाच आता यात माजी आयपीएस अधिकारी डी. जी. वंजारा यांनी उडी घेतली. त्यांनी आंदोलन करणा-यांना सरदार पटेल हे केवळ पटेल समुदायाचेच नाहीत तर सर्व भारतीयांचे होते, असे सांगत त्यांच्या पुतळ्यास पेन आणि बंदुकांची प्रतिकात्मक माळ घातली तसेच पटेल यांनी देशातील जनतेला शस्त्र आणि शास्त्र या दोन्हीचे ज्ञान दिले त्यामुळे आपण ही माळ पटेल यांना अर्पण करीत असल्याचेही वंजारा यांनी सांगितले.

दरम्यान, त्यांच्या या कृतीचा राज्यातील पटेलांनी विरोध केला आहे. दरम्यान, त्यांनी इशरतजहाँ प्रकरणी लवकरच मोठा खुलासा करणार असल्याचे सांगत या प्रकरणात आपल्याला गोवण्यात आल्याचेही म्हटले.इशरतजहाँ तसेच सोहराबुद्दीन शेख चकमक प्रकरणात सध्या जामिनावर सुटलेले डी. जी. वंजारा यांनी पत्रकारांशी बोलताना सांगितले की, सरदार पटेल यांच्या पुतळ्यास जी दुसरी माळ घातली होती ती प्रतिकात्मक होती. सरदार वल्लभाई पटेल सच्चे राष्ट्रवादी होते आणि त्यांनी अनेक राज्य आणि रजवाड्यांना भारतीय झेंड्याखाली एकत्र आणण्याचे काम केले.

The post पुन्हा एकदा वादाच्या भोव-यात अडकणार वंजारा ! appeared first on Marathi News paper Online Maharashtra latest articles.

शाळेच्या पटावरून कमी होणार रिंकूचे नाव?

rinku

rinku
यश आणि प्रसिद्धीच्या शिखरावर ‘सैराट’ चित्रपटाच्या माध्यमातून पदार्पणातच चढलेल्या रिंकू राजगुरू (आर्ची) हिची तरूणाईच्या मनातली क्रेज काही कमी व्हायला तयार नाही. तिला पाहण्यासाठी आजही तिचे चाहते मोठ्या प्रमाणावर गर्दी करतात. मात्र, याच रिंकूला ती ज्या शाळेत शिकते त्या शाळेने जोरदार खडसावले आहे.

रिंकूच्या चाहत्यांच्या मनात तिची क्रेज असल्यामुळे तिला सुरक्षा घेऊनच लोकांमध्ये जावे लागते. परंतु, आता हे किती दिवस चालणार ? कारण रिंकूने यंदा दहावीच्या वर्षात प्रवेश घेतला आहे. त्यातच आता शाळाही सुरू झाल्या आहेत. शाळा सुरू होऊन काही दिवस उलटले तरी, रिंकूचा मात्र, शाळेत पत्ताच नसल्यामुळे शाळेत तिच्या दांड्या पडू लागल्या आहेत. यावरून शाळा व्यवस्थापणाने तिला चांगलेच खडसावले आहे.

रिंकू जिजामाता कन्या प्रशाळेत शिकत असून यावेळी तिचे दहावीचे वर्ष असूनही तिने शाळा सुरू झाल्यापासून एकही दिवस शाळेत हजेरी न लावल्यामुळे वाढत्या गैऱहजेरीबद्धल शाळा प्रशानसाने रिंकूला इशारा दिला आहे. रिंकूला १५ दिवसांच्या आत शाळेत हजर रहाण्यास शाळा व्यवस्थापन आणि मुख्याध्यापकांनी सांगितले आहे. तसेच, रिंकू जर १५ दिवसाच्या आत शाळेत उपस्थित नाही राहिली तर तिच्यावर कारवाई करण्याचा इशारा मुख्याध्यापकांनी दिला आहे. प्रमाणापेक्षा जास्त गैरहजर राहिल्यास तिला शाळेतून काढूनही टाकले जाऊ शकते.

The post शाळेच्या पटावरून कमी होणार रिंकूचे नाव? appeared first on Marathi News paper Online Maharashtra latest articles.

गुंतवणुकीस चालना

fdi

fdi
केंद्र सरकारने परदेशी गुंतवणुकीला चालना देणारा निर्णय घेतला आहे. असा निर्णय कोणीतरी घेणे आवश्यकच होते आणि या निर्णयामध्ये देशाचे हित सामावलेले आहे. याचीही जाणीव सर्वांना होती. परंतु अशा प्रकारचे धाडसी धोरण जाहीर केले तर त्यावर टीका होण्याची भीती असल्यामुळे सत्तेवर असलेला कोणताही पक्ष या बाबत सावध पावले टाकत होता. डॉ. मनमोहनसिंग यांनी मुक्त अर्थव्यवस्थेचा पाया रोवला त्यावेळी त्यांनी अशा परदेशी गुंतवणुकीसाठी परदेशी कंपन्यांना पूर्ण स्वातंत्र्य देण्याचा विचार केला होता. परंतु मुक्त अर्थव्यवस्थेचे आणि थेट परदेशी गुंतवणुकीचे स्वरूप अनेकांना नीट कळलेले नव्हते. त्याशिवाय अशा गुंतवणुकीचे काय परिणाम होतील याचे आकलनही त्यांना होत नव्हते. त्यामुळे अशा लोकांनी मनमोहनसिंग यांच्या अर्थव्यवस्थेला विरोधच केलेला होता. परदेशातल्या कंपन्या भारतात आल्या आणि त्यांनी आपले उद्योग भारतात सुरू केले तर भारतातल्या कंपन्यांचे काय होणार अशी एक निराधार भीती त्यावेळच्या विरोधी पक्षांकडून आणि देशातल्याही काही लोकांकडून व्यक्त केली जात होती.

अशा लोकांनी दिलेले इशारे आणि केलेला विरोध यामुळे १९९० च्या दशकात तरी परदेशी गुंतवणुकीला पूर्ण अनुमती देण्याचे धाडस डॉ. मनमोहन सिंग यांच्या सरकारने केले नव्हते. मल्टिब्रँड रिटेल व्यापारात परदेशी कंपन्यांना १०० टक्के गुंतवणूक करण्याची अनुमती देण्याचा निर्णय डॉ. मनमोहनसिंग यांनी पंतप्रधान असताना जाहीर केला. तेव्हा विरोधी बाकावर बसलेल्या भाजपा खासदारांनी संसदेत एवढा गोंधळ घातला की २०१० साली संसदेचे हिवाळी अधिवेशनच होऊ शकले नाही. मल्टिब्रँड रिटेल म्हणजे किराणा दुकानात परदेशी कंपन्यांना मुभा देणे. अशा प्रकारची मुभा दिली तर देशातील बारा कोटी किराणा आणि छोटे दुकानदार बरबाद होतील अशी निराधार भीती भाजपाच्या नेत्यांनी तेव्हा व्यक्त केली होती. वास्तविक पाहता देशात बारा कोटी किराणा दुकानदार नाहीत. मात्र सगळ्या प्रकारच्या छोट्या दुकानातून काम करणार्‍या नोकरांवर अवलंबून असलेल्या लोकांची संख्या बारा कोटी आहे. मल्टिब्रँड रिटेलमध्ये परदेशी कंपन्यांनी गुंतवणूक केल्यामुळे हे सगळे बारा कोटी लोक उद्ध्वस्त होणार आहेत ही भीती चुकीची होती. खरे म्हणजे या मल्टिब्रँड रिटेलमध्ये देशातल्या बड्या कंपन्यांची गुंतवणूक आहे. त्यांचेच मॉल देशभर चालतात आणि त्यांच्यामुळे कोणी दुकानदार उद्ध्वस्त झालेले आहेत असे काही आजवर आढळलेले नाही. परंतु अशी चुकीची भीती घालून भाजपाने या क्षेत्रातल्या परदेशी गुंतवणुकीला विरोध केला होता.

खरे म्हणजे या गुंतवणुकीचा फायदा या देशाला होणार होता. आपल्या देशामध्ये मुक्त अर्थव्यवस्था आली असली तरी तिचे लाभ देशातल्या ८० कोटी लोकांपर्यंत पोहोचलेले नाहीत. त्यामध्ये लहान शेतकरी, आदिवासी, हातमाग कामगार आणि हे बारा कोटी दुकानातले नोकर यांचा समावेश आहे. मल्टिब्रँड रिटेलमध्ये परदेशी गुंतवणूक झाली असती तर या बारा कोटी लोकांचे उत्पन्न वाढले असते आणि त्यांना मुक्त अर्थव्यवस्थेचे लाभ झाले असते. मात्र विरोधकांनी केवळ विरोधासाठी विरोध केला होता. आजही मोदी सरकारने गुंतवणुकीविषयीचे धाडसी धोरण जाहीर केलेले असले तरी मल्टिब्रँड रिटेलमध्ये परदेशी गुंतवणुकीला या सरकारने मुक्त परवानगी दिलेली नाही. बाकीच्या ९ क्षेत्रात मात्र परदेशातल्या गुंतवणूकदारांचे १०० टक्के भांडवल गुंतवता येईल असे सरकारने घोषित केलेले आहे. आजवर या क्षेत्रातील गुंतवणुकीत कोठे २६ टक्के, कोठे ४९ टक्के तर कोठे ७४ टक्के असे गुंतवणुकीच्या भांडवलाचे बंधन होते.

या बंधनामुळे गुंतवणुकीवर मर्यादा येत होत्या. कारण परदेशातल्या कंपनीने केवळ २६ टक्के गुंतवणूक करायची आणि उर्वरित ७४ टक्के गुंतवणूक देशी गुंतवणूकदारांनी करायची म्हणजे कंपन्यांच्या भागभांडवलात २६ टक्के गुंतवणूक करून सुध्दा निर्णयाचे अधिकार देशी गुंतवणूकदारांना द्यायचे म्हणजेच आपण २६ टक्के भांडवल गुंतवायचे आणि आपले नाक स्थानिक गुंतवणूकदारांच्या हातात द्यायचे ही गोष्ट परदेशी गुंतवणूकदारांना मंजूर नव्हती. म्हणजे २६ किंवा ४९ टक्के अशी गुंतवणुकीवर मर्यादा घातली गेल्याने परदेशातल्या गुंतवणूकदारांना गुंतवणुकीस फारसे स्वारस्य रहात नव्हते. गुंतवणूक पूर्ण आपली, कारखाना पूर्ण आपला आणि निर्णय घेण्याचे पूर्ण अधिकारही आपले. अशी अनुमती मिळाली तर हे गुंतवणूकदार करण्यास उत्सुक होते. आता त्यांना अशी मुभा मिळालेली आहे. त्यामुळे या ९ क्षेत्रामध्ये परदेशी गुंतवणुकीला चांगलीच चालना मिळण्याची अपेक्षा आहे. त्यातून रोजगार वाढेल आणि देशाच्या विकास वेगाला चालना मिळेल. या गुंतवणूक धोरणाचे लाभ येत्या एक-दोन वर्षात मिळायला लागतील आणि २०१४ साली सत्तेवर येताना मोदी सरकारने दाखवलेले विकासाचे स्वप्न सत्यात उतरण्याची प्रक्रिया सुरू होइलर्. भारताला खर्‍या अर्थाने मॅन्युफॅक्चरिंग हब करण्याची कल्पना या निर्णयामुळे साकार होऊ शकणार आहे.

The post गुंतवणुकीस चालना appeared first on Marathi News paper Online Maharashtra latest articles.

मुंबईत चाकरमान्यांचे हाल

taxi

taxi
मुंबई: मुंबई, नवी मुंबई, ठाणे शहरात ऎन पावसात रिक्षा आणि टॅक्सी चालकांनी संप पुकारल्याने चाकरमान्यांचे हाल होत असून लोकल उशिराने असल्या की, या वाहनांचा पर्यायही नागरिकांना नसल्याने ऑफिसला कसे पोहचायचे असा प्रश्न नागरिकांना पडला आहे.

ओला कॅब विरूद्ध मुंबई आणि परिसरातील काही रिक्षा आणि टॅक्सी चालक संघटनांनी संप पुकारल्यामुळे प्रवासी हैराण झाले आहेत. काही संघटनांनी ऎन पावसात हा संप पुकारला असून मुंबई, ठाणे, नवी मुंबई येथे हा संप असून आज ड्रायव्हर संघटनेचे कार्यकर्ते आझाद मैदान येथे आंदोलन करणार आहेत. दुसरीकडे मुंबईसह उपनगरात पडलेल्या पावसामुळे मध्ये रल्वेची सेवा विस्कळीत झाली आहे. सेंट्रल मार्गावर १५ – १५ मिनिट अप आणि डाऊन मार्गावरील गाड्या उशीराने धावत आहेत.

The post मुंबईत चाकरमान्यांचे हाल appeared first on Marathi News paper Online Maharashtra latest articles.

कोकण रेल्वेच्या गणेशोत्सवासाठी १४२ विशेष फे-या

konkan-railway

konkan-railway
मुंबई: गणेशोत्सव हा मोठ्या प्रमाणात कोकणात साजरा केला जातो. कोकणवासी गणेशोत्सव साजरा करण्यासाठी आपापल्या गावी जातात. त्यांचे गावाला जाण्याचे प्लॅनिंगही पाऊस सुरू होताच सुरू होते. त्यामुळे नेहमीप्रमाणे कोकण रेल्वेने गणेशोत्सव स्पेशल ट्रेनची घोषणा केली असून यावेळी कोकणात रेल्वेने १४२ विशेष फे-या चालवण्याचा निर्णय घेतला आहे.

या विशेष गाड्या मुंबई सीएसटी ते गोव्यातील करमाळी, दादर-सावंतवाडी, पनवेल-चिपळूण-डेमू, दादर ते रत्नागिरी- सावंतवाडी, लोकमान्य टिळक टर्मिनस ते सावंतवाडी दरम्यान चालवण्यात येतील. तर सीएसटी ते करमाळी मार्गावर एकूण दोन गाड्या गाड्या सोडण्यात येणार आहेत. त्यातील एक गाडी गुरूवार वगळता आठवड्यातून सहा दिवस धावणार आहे. तर दुसरी आठवड्यातून एक सोडली जाणार आहे.

गणेशोत्सव स्पेशल ट्रेन २७ ऑगस्टपासून धावणार आहेत. दादर-सावंतवाडी गाडी २६ ऑगस्ट ते १८ सप्टेंबर दरम्यान दर रविवारी, बुधवारी आणि शुक्रवारी या तीन दिवशी सोडली जाणार आहे. २६ ऑगस्ट ते २४ सप्टेंबर दरम्यान दादर ते रत्नागिरी ही गाडी धावणार आहे. या शिवाय लो. टिळक टर्मिनस ते सावंतवाडी दरम्यानही आठवड्यातून तीन दिवस धावणारी गाडी असेल. ही गाडी २५ ऑगस्ट ते २५ सप्टेंबर या कालावधीत धावणार आहे.

या विशेष फेऱ्यांमुळे आता कन्फर्म तिकीट न मिळालेल्या प्रवाशांना मोठा दिलासा मिळणार आहे. दरवर्षी गणेशोत्सवाला गावी जाणा-यांची संख्या वाढत असल्याने रेल्वेचं तिकीट अनेकांना मिळत नाही. अशात त्यांना हाल सहन करावे लागतात. पण या स्पेशल ट्रेनमुळे अनेकांना आता दिलासा मिळणार आहे.

The post कोकण रेल्वेच्या गणेशोत्सवासाठी १४२ विशेष फे-या appeared first on Marathi News paper Online Maharashtra latest articles.

अमेरिका स्वतंत्र तिबेटचे समर्थन करणार नाही : जॉन केरी

john-kerry

john-kerry
बीजिंग : काही दिवसांपूर्वी अमेरिकन राष्ट्राध्यक्ष बराक ओबामा यांनी तिबेटचे अध्यात्मिक गुरू दलाई लामा यांची भेट घेतल्यामुळे चीन नाराज झाल्याचे समोर आले होते. विदेशमंत्री जॉन केरी यांनी तिबेटविषयीची अमेरिकेची भूमिका स्पष्ट केली असून स्वतंत्र तिबेटचे समर्थन अमेरिका करत नाही, मात्र तिबेट चीनचा अभिन्न हिस्सा असल्याचे मान्य करतो. तिबेट विषयावर अमेरिकेच्या नीतीमध्ये कोणताही बदल झालेला नाही आणि हा निर्णय कधीही बदलणार नसल्याचे त्यांनी म्हटले.

शनिवारी चीनचे विदेशमंत्री वांग यी यांच्याबरोबर अमेरिकेचे विदेशमंत्री जॉन केरी यांनी फोनवर चर्चा केली. गेल्या काही दिवसांपूर्वी दलाई लामा आणि बराक ओबामा यांची व्हाईट हाऊसमध्ये भेट झाली होती. यामुळे चीन नाराज झाला होता. मात्र ही भेट द्विपक्षीय अथवा अधिकृत नव्हती, मात्र वैयक्तिक असल्याचे अमेरिकेने स्पष्ट केले होते. वांग यांनी तिबेट विषयावर आपल्या देशाची भूमिका स्पष्ट करत अमेरिकेने घरगुती विषयांवर दखल देऊ नये. मात्र चीन-अमेरिका संदर्भात व्यावहारिक रणनीती वापरावी असे म्हटले.

या महिन्याच्या सुरुवातीला बीजिंगमध्ये आयोजित करण्यात आलेल्या अमेरिका-चीन रणनीतीक व आर्थिक संवाद आणि अमेरिका-चीनदरम्यान उच्च स्तरीय बैठक यशस्वी झाल्याचे त्याचे केरी यांनी स्वागत केले. चीनबरोबरचे संबंध दृढ करण्यासाठी अमेरिका तयार आहे असे केरी यांनी स्पष्ट केले.

The post अमेरिका स्वतंत्र तिबेटचे समर्थन करणार नाही : जॉन केरी appeared first on Marathi News paper Online Maharashtra latest articles.

२२ जूनपासून ग्राहकांना मिळणार मोटो जी ४

moto

moto
मुंबई: २२ जूनपासून ग्राहकांसाठी मोटोरोला आपला नवा मोटो जी ४ हा स्मार्टफोन उपलब्ध करून देत असून १७ मे रोजी आपला नवा स्मार्टफोन मोटो जी ४ प्लस मोटोरोलाने लाँच केला होता. याचवेळी कंपनीने ही घोषणा केली होती की, मोटो जी ४ स्मार्टफोन जून महिन्यात उपलब्ध होईल. ग्राहक गेल्या कित्येक दिवसांपासून या स्मार्टफोनची वाट बघत आहेत.

याबाबतची माहिती मोटोरोलाने ट्विटरवरुन दिली असून हा स्मार्टफोन २२ जून रोजी फक्त ऑनलाइन शॉपिंग वेबसाइट अमेझॉन इंडियावरुन खरेदी करता येणार आहे. मोटो जी४चा १६ जीबीचा एकच व्हेरिएंट आहे. २ जीबी रॅम असणाऱ्या या स्मार्टफोनची किंमत ११ हजार रूपये असण्याची शक्यता वर्तवण्यात येत आहे.

मोटो जी४ आणि जी प्लस यांचे फिचर्स जवळपास सारखेच असून फक्त कॅमेरा आणि फिंगरप्रिंट सेन्सर यामध्ये फरक आहे. मोटो जी४चा रिअर कॅमेरा १३ मेगापिक्सल आहे. तर जी प्लसमध्ये १६ मेगापिक्सलचा रिअर कॅमेरा देण्यात आला आहे. मोटो जी ४मध्ये ५.५ इंच फूल-एचडी १९२०×१०८० पिक्सल टीएफटी डिस्प्ले आहे. यामध्ये अँड्रॉईड 6.0 मार्शमेलो सपोर्ट आहे. तसेच कॉर्निंग गोरिल्ला ग्लास ३ सपोर्टही आहे. यामध्ये १.५ गीगाहर्त्झ ऑक्टा-कोअर क्वॉलकॉम स्नॅपड्रॅगन ६१७ देण्यात आला आहे. यामध्ये २ जीबी रॅम आणि १६ जीबी इंटरनल मेमरी देण्यात आली आहे. मायक्रोएसडी कार्डच्या आधारे १२८ जीबीपर्यंत मेमरी वाढविता येऊ शकते. यामध्ये १३ मेगापिक्सल रिअर कॅमेरा आणि ५ मेगापिक्सलचा फ्रंट कॅमेरा आहे. तसेच बॅटरी ३००० mAh क्षमतेची आहे. कनेक्टिव्हिटीचा विचार केल्यास यामध्ये मायक्रो यूएसबी, 3.5 एमएस हेडसेट जॅक, ब्ल्यूटूथ ४.१, वाय-फाय, जीपीएस देण्यात आले आहे.

The post २२ जूनपासून ग्राहकांना मिळणार मोटो जी ४ appeared first on Marathi News paper Online Maharashtra latest articles.