दुष्काळावरून राज्यसभेत निषेध,चिमटे अन् ट्विट

राज्यसभेत सभात्याग करून नोंदवला निषेध

म. टा. विशेष प्रतिनिधी, नवी दिल्ली

देशातील अकरा राज्यांवर ओढवलेल्या भीषण दुष्काळाचे निवारण करण्यासाठी केंद्र सरकार सर्वतोपरी प्रयत्न करीत असले तरी राज्यांनीही त्यात आपले योगदान द्यावे, असे आवाहन बुधवारी दुष्काळावर राज्यसभेत झालेल्या चर्चेदरम्यान केंद्रीय कृषीमंत्री राधामोहन सिंह यांनी केले. सिंह यांच्या उत्तरामुळे समाधान न झालेल्या काँग्रेस, समाजवादी पक्ष, जदयु आणि बसप सदस्यांनी सभात्याग करून निषेध नोंदविला.

दुष्काळाच्या गंभीर मुद्यावर पंतप्रधान मोदींना सर्वपक्षीय बैठक आणि सर्व राज्यांच्या मुख्यमंत्र्यांची बैठक बोलावता येत नाही काय, असा सवाल राज्यसभेतील विरोधी पक्षनेते गुलामनबी आझाद यांनी केला. देशाला आधी दुष्काळमुक्त करा, नंतर काँग्रेसमुक्त करा, असा घरचा आहेर सत्ताधारी रालोआचे घटक असलेल्या शिवसेनेचे नेते संजय राऊत यांनी मोदी सरकारला दिला.

टाटा-बिर्ला उसाचे पीक घेतात काय? : पवार

दुष्काळाचा सामना करण्यासाठी सरकारने दीर्घकालीन धोरण आखावे. त्याला सर्वच सहकार्य करतील, असे या चर्चेत भाग घेताना माजी केंद्रीय कृषीमंत्री शरद पवार म्हणाले. दुष्काळाची सर्वात भीषण स्थिती उत्तर प्रदेशातील ७५ पैकी ५० जिल्ह्यांमध्ये असून मध्य प्रदेश, महाराष्ट्र, कर्नाटक, आंध्र प्रदेश, छत्तीसगढ, झारखंड, तेलंगण, राजस्थान, गुजरात अशी क्रमवारी आहे. लातूरला पाणीपुरवठा केल्याबद्दल पवार यांनी रेल्वेमंत्री प्रभू यांचे आभार मानले. मराठवाड्यातील धरणे आणि सिंचन प्रकल्प साखर कारखान्यांसाठी बनल्याच्या कृषी मंत्री सिंह यांच्या आरोपांचा पवार यांनी उपरोधिक समाचार घेतला. कमीतकमी पाण्याचा वापर करून उसाचे पीक घेतले जाते, असा संशोधन अहवालाचा दाखला त्यांनी दिला. उसाच्या पिकावर कृषीमंत्र्यांच्या आक्षेपांचा समाचार घेताना टाटा-बिर्ला उसाचे पीक घेतात काय आपल्याला ठाऊक नाही, असा टोला त्यांनी लगावला. दुष्काळावरील चर्चेसाठी एका महिला खासदाराला कृषीमंत्री रात्री अकरा वाजता संदेश पाठवितात. कृषीमंत्री दिवसरात्र काम करीत आहेत हे बघून आपल्याला आनंद वाटतो, असे पवार म्हणाले. त्यावर रात्री १० वाजून ४० मिनिटांनी आलेल्या संदेशाला आपण उत्तर दिले, असे सिंह म्हणाले.

सुळेंच्या ट्विटला सिंह यांचे उत्तर

लोकसभेत राधामोहन सिंह यांनी दुष्काळावरील प्रश्नांना समाधानकारक उत्तरे दिली नाहीत, अशी टीका करणारे ट्विट राष्ट्रवादीच्या खासदार सुप्रिया सुळे यांनी केले. त्यावर उत्तरादाखल राधामोहन सिंह यांच्याकडून करण्यात आलेल्या सलग आठ ट्विटवरून संसद परिसरात चर्चा सुरू होती. असे ट्विट करणारे सिंह खरोखरच तत्पर झाले की अगतिक असा प्रश्न केला जात होता.

रस्ते कंत्राटदारांचे साह्य

दुष्काळग्रस्त राज्यांत आपल्या मंत्रालयाच्या माध्यमातून जलसंवर्धनाची कामे करण्यासाठी केंद्रीय भूपृष्ठ वाहतूक मंत्री नितीन गडकरीही सरसावले आहेत. रस्ते बांधकाम कंत्राटदारांनी शेततळी, पाणवठे, छोटे तळे, तलाव, नद्या आणि नाल्या मोफत खोदून दुष्काळग्रस्त भागांमधील जलसंवर्धनाच्या कामांना वेग द्यावा, यासाठी गडकरी यांच्या मंत्रालयाने बुधवारी एक परिपत्रक काढले. या खोदकामातून निर्माण होणारी माती आणि मुरुम रस्त्यांच्या बांधकामात वापरण्यात येईल. राज्य सरकारांच्या संमतीने ही योजना राबविण्यात येईल. महाराष्ट्रातील वर्धितवेग लाभ सिंचन योजनेतील २८ प्रकल्प पूर्ण करण्यासाठी ३ मे रोजी मुंबईत सह्याद्री अतिथीगृहावर केंद्रीय जलसंपदा मंत्री उमा भारती आणि गडकरी यांच्या उपस्थितीत मुख्यमंत्री फडणवीस आणि गिरीश महाजन यांची बैठक होणार असून त्यात उमा भारती आराखडा सादर करतील. या २८ प्रकल्पांमुळे राज्यातील एक कोटी हेक्टर जमीन सिंचनाखाली येईल. पंतप्रधान सिंचन योजनेतून या प्रकल्पांसाठी कालवे काढल्यास आणखी १ कोटी हेक्टर क्षेत्रफळ ओलिताखाली येईल, असे गडकरी म्हणाले.

मोबाईल अॅप डाउनलोड करा आणि राहा अपडेट

दुष्काळावरून राज्यसभेत निषेध,चिमटे अन् ट्विट

राज्यसभेत सभात्याग करून नोंदवला निषेध

म. टा. विशेष प्रतिनिधी, नवी दिल्ली

देशातील अकरा राज्यांवर ओढवलेल्या भीषण दुष्काळाचे निवारण करण्यासाठी केंद्र सरकार सर्वतोपरी प्रयत्न करीत असले तरी राज्यांनीही त्यात आपले योगदान द्यावे, असे आवाहन बुधवारी दुष्काळावर राज्यसभेत झालेल्या चर्चेदरम्यान केंद्रीय कृषीमंत्री राधामोहन सिंह यांनी केले. सिंह यांच्या उत्तरामुळे समाधान न झालेल्या काँग्रेस, समाजवादी पक्ष, जदयु आणि बसप सदस्यांनी सभात्याग करून निषेध नोंदविला.

दुष्काळाच्या गंभीर मुद्यावर पंतप्रधान मोदींना सर्वपक्षीय बैठक आणि सर्व राज्यांच्या मुख्यमंत्र्यांची बैठक बोलावता येत नाही काय, असा सवाल राज्यसभेतील विरोधी पक्षनेते गुलामनबी आझाद यांनी केला. देशाला आधी दुष्काळमुक्त करा, नंतर काँग्रेसमुक्त करा, असा घरचा आहेर सत्ताधारी रालोआचे घटक असलेल्या शिवसेनेचे नेते संजय राऊत यांनी मोदी सरकारला दिला.

टाटा-बिर्ला उसाचे पीक घेतात काय? : पवार

दुष्काळाचा सामना करण्यासाठी सरकारने दीर्घकालीन धोरण आखावे. त्याला सर्वच सहकार्य करतील, असे या चर्चेत भाग घेताना माजी केंद्रीय कृषीमंत्री शरद पवार म्हणाले. दुष्काळाची सर्वात भीषण स्थिती उत्तर प्रदेशातील ७५ पैकी ५० जिल्ह्यांमध्ये असून मध्य प्रदेश, महाराष्ट्र, कर्नाटक, आंध्र प्रदेश, छत्तीसगढ, झारखंड, तेलंगण, राजस्थान, गुजरात अशी क्रमवारी आहे. लातूरला पाणीपुरवठा केल्याबद्दल पवार यांनी रेल्वेमंत्री प्रभू यांचे आभार मानले. मराठवाड्यातील धरणे आणि सिंचन प्रकल्प साखर कारखान्यांसाठी बनल्याच्या कृषी मंत्री सिंह यांच्या आरोपांचा पवार यांनी उपरोधिक समाचार घेतला. कमीतकमी पाण्याचा वापर करून उसाचे पीक घेतले जाते, असा संशोधन अहवालाचा दाखला त्यांनी दिला. उसाच्या पिकावर कृषीमंत्र्यांच्या आक्षेपांचा समाचार घेताना टाटा-बिर्ला उसाचे पीक घेतात काय आपल्याला ठाऊक नाही, असा टोला त्यांनी लगावला. दुष्काळावरील चर्चेसाठी एका महिला खासदाराला कृषीमंत्री रात्री अकरा वाजता संदेश पाठवितात. कृषीमंत्री दिवसरात्र काम करीत आहेत हे बघून आपल्याला आनंद वाटतो, असे पवार म्हणाले. त्यावर रात्री १० वाजून ४० मिनिटांनी आलेल्या संदेशाला आपण उत्तर दिले, असे सिंह म्हणाले.

सुळेंच्या ट्विटला सिंह यांचे उत्तर

लोकसभेत राधामोहन सिंह यांनी दुष्काळावरील प्रश्नांना समाधानकारक उत्तरे दिली नाहीत, अशी टीका करणारे ट्विट राष्ट्रवादीच्या खासदार सुप्रिया सुळे यांनी केले. त्यावर उत्तरादाखल राधामोहन सिंह यांच्याकडून करण्यात आलेल्या सलग आठ ट्विटवरून संसद परिसरात चर्चा सुरू होती. असे ट्विट करणारे सिंह खरोखरच तत्पर झाले की अगतिक असा प्रश्न केला जात होता.

रस्ते कंत्राटदारांचे साह्य

दुष्काळग्रस्त राज्यांत आपल्या मंत्रालयाच्या माध्यमातून जलसंवर्धनाची कामे करण्यासाठी केंद्रीय भूपृष्ठ वाहतूक मंत्री नितीन गडकरीही सरसावले आहेत. रस्ते बांधकाम कंत्राटदारांनी शेततळी, पाणवठे, छोटे तळे, तलाव, नद्या आणि नाल्या मोफत खोदून दुष्काळग्रस्त भागांमधील जलसंवर्धनाच्या कामांना वेग द्यावा, यासाठी गडकरी यांच्या मंत्रालयाने बुधवारी एक परिपत्रक काढले. या खोदकामातून निर्माण होणारी माती आणि मुरुम रस्त्यांच्या बांधकामात वापरण्यात येईल. राज्य सरकारांच्या संमतीने ही योजना राबविण्यात येईल. महाराष्ट्रातील वर्धितवेग लाभ सिंचन योजनेतील २८ प्रकल्प पूर्ण करण्यासाठी ३ मे रोजी मुंबईत सह्याद्री अतिथीगृहावर केंद्रीय जलसंपदा मंत्री उमा भारती आणि गडकरी यांच्या उपस्थितीत मुख्यमंत्री फडणवीस आणि गिरीश महाजन यांची बैठक होणार असून त्यात उमा भारती आराखडा सादर करतील. या २८ प्रकल्पांमुळे राज्यातील एक कोटी हेक्टर जमीन सिंचनाखाली येईल. पंतप्रधान सिंचन योजनेतून या प्रकल्पांसाठी कालवे काढल्यास आणखी १ कोटी हेक्टर क्षेत्रफळ ओलिताखाली येईल, असे गडकरी म्हणाले.

मोबाईल अॅप डाउनलोड करा आणि राहा अपडेट

दुष्काळाची झळ बसली; आयपीएल बाहेरच 

हायकोर्टाचा आदेश सुप्रीम कोर्टाकडून कायम

वृत्तसंस्था, नवी दिल्ली

दुष्काळामुळे होरपळत असलेल्या महाराष्ट्रातून इंडियन प्रीमियर लीग (आयपीएल)ला सुप्रीम कोर्टाने बाहेरचा रस्ता दाखवला आहे. हायकोर्टाने दिलेल्या आदेशाला आव्हान देणाऱ्या महाराष्ट्र आणि मुंबई क्रिकेट संघटनेच्या याचिका सुप्रीम कोर्टाने बुधवारी फेटाळून लावल्या. या आदेशामुळे बीसीसीआयसमोर मे महिन्यात राज्यातून आयपीएलचे सामने इतर ठिकाणी हलवण्याचे आव्हान उभे राहिले आहे.

सरन्यायाधीश टी. एस. ठाकूर यांच्या अध्यक्षतेखाली असलेल्या खंडपीठाने हा निर्णय दिला. खंडपीठाने सुरुवातीला आयपीएल सामने महाराष्ट्रामध्ये काही जिल्ह्यांत होण्याच्या बाजूने समर्थता दर्शवली. मैदानामध्ये पिण्याच्या पाण्याच्या वापर अजिबात होणार नसल्याच्या अटीवर सामन्यांना परवानगी द्यावी, अशी भूमिका सुरुवातीला घेण्यात आली; परंतु नंतर आयपीएल सामने राज्याबाहेर हलवणे, अधिक चांगले ठरेल, अशी भूमिका खंडपीठाने घेतली.

वरिष्ठ वकील पी. चिदंबरम आणि ए. एम. सिंघवी यांनी राज्य क्रिकेट संघटनांच्या वतीने युक्तिवाद केला. मुंबई आणि पुण्यातील क्रिकेट सामन्यांसाठी पिण्याचे पाणी वापरणार नाही. त्याऐवजी प्रक्रिया केलेले सांडपाणी वापरू, असे त्यांनी सांगितले. हायकोर्टाच्या आदेशाला स्थगिती मिळावी, अशी विनंती त्यांनी सुप्रीम कोर्टाकडे केली. मैदानांच्या देखभालीसाठी साठ लाख लिटर पाणी लागणार असल्याच्या पार्श्वभूमीवर खंडपीठाने सुनावणीच्या दरम्यान वकिलांना त्यांचे मत मांडायला सांगितले. चिदंबरम म्हणाले, ‘दिवसाला दहा हजार लिटर पाणी, असे सहा दिवस लागणार असून, त्यासाठी पिण्याचे पाणी वापरणार नाही. साठ लाख नव्हे, तर केवळ साठ हजार लिटर पाणी लागणार आहे. मैदानांवर पाणी टाकण्यासाठी प्रक्रिया केलेले पाणी वापरण्यात येईल आणि ते टँकरने आणण्यात येईल.’ युक्तिवाद ऐकल्यानंतर खंडपीठाने मैदानांना न्यायिक अधिकाऱ्याची नियुक्ती करण्याचे आदेश दिले. हा अधिकारी मैदानांमध्ये पिण्याचा पाण्याचा वापर होत नसल्याची खात्री करील, असे कोर्टाने म्हटले.

मोबाईल अॅप डाउनलोड करा आणि राहा अपडेट

दुष्काळाची झळ बसली; आयपीएल बाहेरच 

हायकोर्टाचा आदेश सुप्रीम कोर्टाकडून कायम

वृत्तसंस्था, नवी दिल्ली

दुष्काळामुळे होरपळत असलेल्या महाराष्ट्रातून इंडियन प्रीमियर लीग (आयपीएल)ला सुप्रीम कोर्टाने बाहेरचा रस्ता दाखवला आहे. हायकोर्टाने दिलेल्या आदेशाला आव्हान देणाऱ्या महाराष्ट्र आणि मुंबई क्रिकेट संघटनेच्या याचिका सुप्रीम कोर्टाने बुधवारी फेटाळून लावल्या. या आदेशामुळे बीसीसीआयसमोर मे महिन्यात राज्यातून आयपीएलचे सामने इतर ठिकाणी हलवण्याचे आव्हान उभे राहिले आहे.

सरन्यायाधीश टी. एस. ठाकूर यांच्या अध्यक्षतेखाली असलेल्या खंडपीठाने हा निर्णय दिला. खंडपीठाने सुरुवातीला आयपीएल सामने महाराष्ट्रामध्ये काही जिल्ह्यांत होण्याच्या बाजूने समर्थता दर्शवली. मैदानामध्ये पिण्याच्या पाण्याच्या वापर अजिबात होणार नसल्याच्या अटीवर सामन्यांना परवानगी द्यावी, अशी भूमिका सुरुवातीला घेण्यात आली; परंतु नंतर आयपीएल सामने राज्याबाहेर हलवणे, अधिक चांगले ठरेल, अशी भूमिका खंडपीठाने घेतली.

वरिष्ठ वकील पी. चिदंबरम आणि ए. एम. सिंघवी यांनी राज्य क्रिकेट संघटनांच्या वतीने युक्तिवाद केला. मुंबई आणि पुण्यातील क्रिकेट सामन्यांसाठी पिण्याचे पाणी वापरणार नाही. त्याऐवजी प्रक्रिया केलेले सांडपाणी वापरू, असे त्यांनी सांगितले. हायकोर्टाच्या आदेशाला स्थगिती मिळावी, अशी विनंती त्यांनी सुप्रीम कोर्टाकडे केली. मैदानांच्या देखभालीसाठी साठ लाख लिटर पाणी लागणार असल्याच्या पार्श्वभूमीवर खंडपीठाने सुनावणीच्या दरम्यान वकिलांना त्यांचे मत मांडायला सांगितले. चिदंबरम म्हणाले, ‘दिवसाला दहा हजार लिटर पाणी, असे सहा दिवस लागणार असून, त्यासाठी पिण्याचे पाणी वापरणार नाही. साठ लाख नव्हे, तर केवळ साठ हजार लिटर पाणी लागणार आहे. मैदानांवर पाणी टाकण्यासाठी प्रक्रिया केलेले पाणी वापरण्यात येईल आणि ते टँकरने आणण्यात येईल.’ युक्तिवाद ऐकल्यानंतर खंडपीठाने मैदानांना न्यायिक अधिकाऱ्याची नियुक्ती करण्याचे आदेश दिले. हा अधिकारी मैदानांमध्ये पिण्याचा पाण्याचा वापर होत नसल्याची खात्री करील, असे कोर्टाने म्हटले.

मोबाईल अॅप डाउनलोड करा आणि राहा अपडेट

मॉरिसची झुंज अपयशी; गुजरातचा निसटता विजय

गुजरात लायन्सची ‘दिल्ली’वर १ धावेने मात

वृत्तसंस्था, नवी दिल्ली

शेवटच्या चेंडूपर्यंत रंगतदार झालेल्या लढतीत गुजरात लायन्स संघाने आयपीएल टी-२० क्रिकेट स्पर्धेत दिल्ली डेअरडेव्हिल्स संघावर एका धावेने मात केली. ड्वेन स्मिथ आणि ब्रेंडन मॅकलमच्या आक्रमक अर्धशतकाच्या जोरावर गुजरात संघाने ६ बाद १७२ धावा केल्या. लक्ष्याचा पाठलाग करताना दिल्लीने ५ बाद १७१ धावा केल्या. दिल्लीच्या ख्रिस मॉरिसने झुंजार खेळ केला. त्याने ३२ चेंडूंत ८ षटकार व ४ चौकारांसह नाबाद ८२ धावा केल्या. पण त्याला दिल्लीला विजय मिळवून देता आला नाही.

फिरोज शाह कोटला मैदानावर ही लढत झाली. लक्ष्याचा पाठलाग करताना दिल्लीची सुरुवात निराशाजनक झाली. धवल कुलकर्णीने अचूक मारा करताना क्विंटन डीकॉक, संजू सॅमसन आणि करुण नायरला माघारी पाठविले. त्यामुळे दिल्लीची ३ बाद १६ अशी स्थिती झाली होती. यानंतर जीन पॉल ड्युमिनी आणि ऋषभ पंतने डाव सावरला. या जोडीने दिल्लीला पन्नास धावांचा टप्पा ओलांडून दिला. पंत २० धावांची भर घालून माघारी परतला. या वेळी दिल्लीला विजयासाठी ५४ चेंडूंत ११५ धावांची गरज होती. ख्रिस मॉरिसने आक्रमक सुरुवात केली. त्यामुळे दिल्लीच्या आशा उंचावल्या. ड्युमिनी ४३ चेंडूंत ४८ धावा काढून बाद झाला. पण मॉरिसच्या फटकेबाजीवर याचा परिणाम झाला नाही. त्यामुळे अखेरच्या १२ चेंडूंत दिल्लीला १८ धावांची गरज होती. प्रवीण कुमारने अचूक मारा करून केवळ चार धावा दिल्या. आता अखेरच्या सहा चेंडूंत १४ धावांची गरज होती. मॉरिसने पहिल्याच चेंडूवर चौकार मारला. या चेंडूवर तो थोडक्यात बचावला. यानंतर ब्राव्होने अचूक मारा करून पुढच्या पाच चेंडूंत ८ धावा दिल्या. यात यष्टिरक्षक दिनेश कार्तिकने गफलत केली. पण त्याची ही चूक गुजरातला महागात पडली नाही आणि गुजरातने एका धावेने लढत जिंकली.

तत्पूर्वी, गुजरातच्या ड्वेन स्मिथ आणि ब्रेंडन मॅकलम जोडीने आक्रमक सुरुवात केली. स्मिथने झहीर खानच्या पहिल्याच षटकात चार चौकार लगावून १८ धावा वसूल केल्या. पुढच्या षटकात त्याने नदीमलाही षटकार खेचला. यानंतर झहीरवर पुढच्या षटकात मॅकलमने हल्ला चढविला. मॅकलमने झहीरला दोन षटकार खेचले आणि १४ धावा वसूल केल्या. झहीर खानने पहिल्या दोन षटकांत तब्बल ३२ धावा बहाल केल्या. अवघ्या २३ चेंडूंत गुजरातने धावांचे अर्धशतक फलकावर लावले होते.

ब्रेंडन मॅकलमने २७ चेंडूंत, तर स्मिथने २६ चेंडूंत अर्धशतक पूर्ण केले. अकराव्या षटकात इम्रान ताहीरने स्मिथला बाद करून ही जोडी फोडली. स्मिथने ३० चेंडूंत ५ चौकार व ३ षटकारांसह ५३ धावा केल्या. पुढच्याच षटकात ख्रिस मॉरिसने मॅकलमचा त्रिफळा उडविला. मॅकलमने ३६ चेंडूंत ६ चौकार व ३ षटकारांसह

६० धावा केल्या. स्मिथ-मॅकलम जोडीने ११२ धावांची सलामी दिली होती. यानंतर दिल्लीच्या गोलंदाजांनी अचूक मारा करून गुजरातच्या सुरेश रैना, दिनेश कार्तिक, रवींद्र जडेजा, इशन किशन यांना झटपट बाद केले.

संक्षिप्त धावफलक : गुजरात लायन्स : २० षटकांत ६ बाद १७२ (ब्रेंडन मॅकलम ६०, ड्वेन स्मिथ ५३, जेम्स फॉकनर २२, दिनेश कार्तिक १९, इम्रान ताहीर ४-०-२४-३, ख्रिस मॉरिस ४-०-३५-२) वि. वि. दिल्ली डेअरडेव्हिल्स – २० षटकांत ५ बाद १७१ (ख्रिस मॉरिस नाबाद ८२, ड्युमिनी ४८, पंत २०).

मोबाईल अॅप डाउनलोड करा आणि राहा अपडेट

मॉरिसची झुंज अपयशी; गुजरातचा निसटता विजय

गुजरात लायन्सची ‘दिल्ली’वर १ धावेने मात

वृत्तसंस्था, नवी दिल्ली

शेवटच्या चेंडूपर्यंत रंगतदार झालेल्या लढतीत गुजरात लायन्स संघाने आयपीएल टी-२० क्रिकेट स्पर्धेत दिल्ली डेअरडेव्हिल्स संघावर एका धावेने मात केली. ड्वेन स्मिथ आणि ब्रेंडन मॅकलमच्या आक्रमक अर्धशतकाच्या जोरावर गुजरात संघाने ६ बाद १७२ धावा केल्या. लक्ष्याचा पाठलाग करताना दिल्लीने ५ बाद १७१ धावा केल्या. दिल्लीच्या ख्रिस मॉरिसने झुंजार खेळ केला. त्याने ३२ चेंडूंत ८ षटकार व ४ चौकारांसह नाबाद ८२ धावा केल्या. पण त्याला दिल्लीला विजय मिळवून देता आला नाही.

फिरोज शाह कोटला मैदानावर ही लढत झाली. लक्ष्याचा पाठलाग करताना दिल्लीची सुरुवात निराशाजनक झाली. धवल कुलकर्णीने अचूक मारा करताना क्विंटन डीकॉक, संजू सॅमसन आणि करुण नायरला माघारी पाठविले. त्यामुळे दिल्लीची ३ बाद १६ अशी स्थिती झाली होती. यानंतर जीन पॉल ड्युमिनी आणि ऋषभ पंतने डाव सावरला. या जोडीने दिल्लीला पन्नास धावांचा टप्पा ओलांडून दिला. पंत २० धावांची भर घालून माघारी परतला. या वेळी दिल्लीला विजयासाठी ५४ चेंडूंत ११५ धावांची गरज होती. ख्रिस मॉरिसने आक्रमक सुरुवात केली. त्यामुळे दिल्लीच्या आशा उंचावल्या. ड्युमिनी ४३ चेंडूंत ४८ धावा काढून बाद झाला. पण मॉरिसच्या फटकेबाजीवर याचा परिणाम झाला नाही. त्यामुळे अखेरच्या १२ चेंडूंत दिल्लीला १८ धावांची गरज होती. प्रवीण कुमारने अचूक मारा करून केवळ चार धावा दिल्या. आता अखेरच्या सहा चेंडूंत १४ धावांची गरज होती. मॉरिसने पहिल्याच चेंडूवर चौकार मारला. या चेंडूवर तो थोडक्यात बचावला. यानंतर ब्राव्होने अचूक मारा करून पुढच्या पाच चेंडूंत ८ धावा दिल्या. यात यष्टिरक्षक दिनेश कार्तिकने गफलत केली. पण त्याची ही चूक गुजरातला महागात पडली नाही आणि गुजरातने एका धावेने लढत जिंकली.

तत्पूर्वी, गुजरातच्या ड्वेन स्मिथ आणि ब्रेंडन मॅकलम जोडीने आक्रमक सुरुवात केली. स्मिथने झहीर खानच्या पहिल्याच षटकात चार चौकार लगावून १८ धावा वसूल केल्या. पुढच्या षटकात त्याने नदीमलाही षटकार खेचला. यानंतर झहीरवर पुढच्या षटकात मॅकलमने हल्ला चढविला. मॅकलमने झहीरला दोन षटकार खेचले आणि १४ धावा वसूल केल्या. झहीर खानने पहिल्या दोन षटकांत तब्बल ३२ धावा बहाल केल्या. अवघ्या २३ चेंडूंत गुजरातने धावांचे अर्धशतक फलकावर लावले होते.

ब्रेंडन मॅकलमने २७ चेंडूंत, तर स्मिथने २६ चेंडूंत अर्धशतक पूर्ण केले. अकराव्या षटकात इम्रान ताहीरने स्मिथला बाद करून ही जोडी फोडली. स्मिथने ३० चेंडूंत ५ चौकार व ३ षटकारांसह ५३ धावा केल्या. पुढच्याच षटकात ख्रिस मॉरिसने मॅकलमचा त्रिफळा उडविला. मॅकलमने ३६ चेंडूंत ६ चौकार व ३ षटकारांसह

६० धावा केल्या. स्मिथ-मॅकलम जोडीने ११२ धावांची सलामी दिली होती. यानंतर दिल्लीच्या गोलंदाजांनी अचूक मारा करून गुजरातच्या सुरेश रैना, दिनेश कार्तिक, रवींद्र जडेजा, इशन किशन यांना झटपट बाद केले.

संक्षिप्त धावफलक : गुजरात लायन्स : २० षटकांत ६ बाद १७२ (ब्रेंडन मॅकलम ६०, ड्वेन स्मिथ ५३, जेम्स फॉकनर २२, दिनेश कार्तिक १९, इम्रान ताहीर ४-०-२४-३, ख्रिस मॉरिस ४-०-३५-२) वि. वि. दिल्ली डेअरडेव्हिल्स – २० षटकांत ५ बाद १७१ (ख्रिस मॉरिस नाबाद ८२, ड्युमिनी ४८, पंत २०).

मोबाईल अॅप डाउनलोड करा आणि राहा अपडेट

रिओः भारताचे दहाहून अधिक पदकांचे लक्ष्य

अमेरिका मिळवणार सर्वाधिक पदके

वृत्तसंस्था, नवी दिल्ली

केंद्रीय क्रीडा मंत्रालयाने आगामी रिओ ऑलिम्पिक स्पर्धेत दहाहून अधिक पदकांचे लक्ष्य बाळगले आहे. आतापर्यंतचे सर्वाधिक मोठे पथक रिओ ऑलिम्पिकसाठी असणार आहे, असा विश्वासही क्रीडा मंत्रालयाकडून व्यक्त करण्यात आला आहे.

गेल्या वर्षी मंत्रालयाने ऑगस्ट महिन्यात होणाऱ्या रिओ ऑलिम्पिकसाठी ११० खेळाडू पात्र ठरतील, असे लक्ष्य बाळगले होते. त्यातील ७६ खेळाडू आतापर्यंत ऑलिम्पिकसाठी पात्र ठरले आहेत. राज्यसभेत माहिती देताना क्रीडा मंत्री सर्वानंद सोनोवाल म्हणाले, ‘रिओ ऑलिम्पिकसाठी आम्ही यापूर्वीच पदकांचे लक्ष्य निश्चित केले आहे. आम्हाला आशा आहे ऑलिम्पिकमध्ये भारतीय खेळाडू दहाहून अधिक पदके निश्चित मिळवतील.’ क्रीडा मंत्रालयाने निश्चित केलेल्या ध्येयाबाबत पुरवणी प्रश्नाला उत्तर देताना सोनोवाल यांनी ही माहिती दिली. यासाठी मंत्रालयाने एक समिती ही स्थापन केली आहे. सोनोवाल म्हणाले, ‘पदक मिळवू शकणारे ११० खेळाडूंची निवड समितीने केली आहे. यातील ७६ खेळाडू ऑलिम्पिकसाठी पात्र ठरले आहेत. अजूनही काही अॅथलीट नक्की पात्र ठरतील. आतापर्यंतचे भारताचे सर्वाधिक मोठे पथक रिओ ऑलिम्पिकमध्ये असेल. २०१२च्या लंडन ऑलिम्पिकमध्ये भारताचे ६० खेळाडू पात्र ठरले होते. लंडन ऑलिम्पिकमध्ये भारताला सहा पदके मिळाली. आम्ही आखलेल्या योजनांमुळे खेळाडूंनाही प्रोत्साहन मिळत आहे. त्यामुळे रिओतील यशाने साऱ्यांनाच आनंद होईल.’

भारतीय क्रीडा प्राधिकरण केंद्रात ट्रेनी खेळाडूचे वय २५ वरून १८ वर्षे करण्यात आल्याचेही सोनोवाल यांनी सांगितले.

रिओ दी जानेरो : रिओ ऑलिम्पिक स्पर्धा आजपासून सुरू झाली तर अमेरिका यात सर्वाधिक पदके आणि सर्वाधिक सुवर्णपदके मिळवेल. अमेरिकेचा जलतरणपटू मायकेल फ्लेप्स पाचहून अधिक सुवर्णपदकांची आणि एक ब्राँझपदकाची कमाई करेल… अशी आकडेवारी निश्चित केली आहे ती सिमोन ग्लेव यांनी. सिमोन हे अमेरिकेतील क्रीडा आणि मनोरंजन क्षेत्रातील अमेरिका स्थित कंपनी ग्रेसनोटचे मुख्य विश्लेषक आहेत. खेळाडूंची सध्याची कामगिरी… मागील ऑलिम्पिकचा अनुभव अशा विविध माहितींच्या आधारे सिमोन यांनी हा अंदाज वर्तविला आहे.

त्यांनी केलेल्या अभ्यासानुसार अमेरिका ४२ सुवर्णपदकांसह १०२ पदके मिळवेल. चीन गुणतक्त्यात दुसऱ्या स्थानावर असेल. चीन ३१ सुवर्णपदकांसह ७८ पदकांची कमाई करेल. रशिया २२, ऑस्ट्रेलिया १८, ब्रिटन १७, जर्मनी १५, जपान १२, दक्षिण कोरिया १२, फ्रान्स १० आणि यजमान ब्राझील ९ सुवर्णपदके मिळवले, असा अंदाज सिमोन यांनी वर्तविला आहे.

मोबाईल अॅप डाउनलोड करा आणि राहा अपडेट

भीषण दुष्काळामुळे ऊस उत्पादनात ४० टक्के घट?

महाराष्ट्रातील सलग दुष्काळ भोवणार

वृत्तसंस्था, मुंबई/लंडन

सलग दोन ते तीन वर्षे पडलेला दुष्काळ, पाण्याची खालावलेली पातळी आणि उसाचे घटते क्षेत्र या पार्श्वभूमीवर महाराष्ट्रातील उसाच्या उत्पादनात यंदा चाळीस टक्क्यांहून अधिक घट होण्याची शक्यता आहे. त्यामुळे गेल्या चार वर्षांत यंदा प्रथमच साखरेची आयात करण्याची वेळ ओढवणार आहे.

प्रमुख साखर उत्पादक देश असणाऱ्या पाकिस्तान, थायलंड आणि ब्राझीलमधील साखर यंदा भारतीय बाजारपेठांमध्ये पाहायला मिळणार आहे. ‘साखरेच्या देशांतर्गत उत्पादनात घट होणार असल्याने पुढील वर्षीपर्यंत आयात केलेल्या साखरेवर अवलंबून राहण्याची वेळ येणार आहे,’ असे बॉम्बे शुगर मर्चंट्स असोसिएशन’चे (बीएसएमए) अध्यक्ष अशोक जैन यांनी स्पष्ट केले. ‘सातत्याने पडणाऱ्या दुष्काळामुळे महाराष्ट्रातील ऊस उत्पादक क्षेत्रात घट होत आहे. पुढील हंगामापर्यंत मोठ्या प्रमाणात साखरेची आयात करावी लागू नये, यासाठी राज्य सरकारने साखरेच्या निर्यातीला लगाम घातला आहे. एल निनोच्या प्रभावामुळे देशाच्या बहुतांश भागात कोरडे हवामान निर्माण झाल्याने अतिदुष्काळाची परिस्थिती निर्माण झाली आहे. त्याचा थेट फटका पाणीपातळी खालावण्याला बसला आहे. त्यामुळे उसाच्या उत्पादकक्षेत्रात घट झाली आहे,’ असेही जैन यांनी स्पष्ट केले.

‘साखरेच्या उत्पादनात होणारी संभाव्य घट पाहता यंदा आणि पुढील वर्षी भारतात मोठ्या प्रमाणावर साखर आयात होण्याची शक्यता आहे,’ असे मत लंडनच्या ‘रॅबोबँक’चे कमोडिटी तज्ज्ञ ट्रेसी अॅलन यांनी व्यक्त केले.

मोबाईल अॅप डाउनलोड करा आणि राहा अपडेट

मल्ल्यांकडून घोड्यावर ९ कोटींची उधळण

भावना विज अरोडा, नवी दिल्ली

भारतीय मद्यसम्राट विजय मल्ल्याच्या उधळपट्टीच्या नव्या कथा आता जाहीर होत आहेत. बँकांची ९ हजार कोटी रुपयांची थकबाकी ठेवणाऱ्या मल्ल्याने आयडीबीआय बँकेकडून घेतलेल्या कर्जातील ९ कोटी रुपयांचा गैरवापर केल्याचे प्राथमिक तपासात उघड झाले आहे. किंगफिशर एअरलाइन्स कंपनीच्या कर्मचाऱ्यांचे पगार रखडवणाऱ्या मल्ल्याने कंपनीसाठी घेतलेल्या कर्जातील ९ कोटी रुपयांतून १ घोडा खरेदी केला.

थकबाकीची वसुली करण्यासाठी मल्ल्याच्या संपत्तीचा लिलाव करण्याची प्रक्रिया सुरू आहे. या प्रक्रियेचा भाग म्हणून मल्ल्याचा ९ कोटींचा घोडा लिलावात विकला जाण्याची शक्यता आहे.

मल्ल्याने कर्जाच्या रकमेतून खरेदी केलेला घोडा २०१४ मध्ये अमेरिकेतून आयात करण्यात आला होता. या घोड्यासाठी बेंगळुरूत तबेल्याची व्यवस्था करण्यात आली. हा घोडा आयडीबीआय बँकेकडून किंगफिशर एअरलाइन्स कंपनीसाठी घेतलेल्या कर्जाच्या रकमेतून खरेदी केल्याचा संशय सीबीआयच्या अधिकाऱ्यांनी व्यक्त केला आहे. या प्रकरणी सखोल तपास होईल. कर्जाच्या गैरवापराचे ठोस पुरावे मिळाल्यास मल्ल्या विरोधात आणखी एक आर्थिक गुन्हा दाखल होण्याची शक्यता आहे.

मल्ल्याने आयडीबीआय बँकेकडून किंगफिशर एअरलाइन्स कंपनीसाठी ९ कोटी ७ लाख ८५ हजार २६२ रुपयांचे कर्ज घेतले होते. हे कर्ज कंपनीसाठी क्लायंबर एअर सपोर्ट खरेदी करण्याकरिता घेण्यात आले होते. प्रत्यक्षात ९ कोटी रुपयांचा वापर एअर सपोर्ट नावाचा घोडा खरेदी करण्यासाठी केला गेल्याचा संशय सीबीआयने व्यक्त केला आहे. सीबीआयला सुरुवातीला कागदपत्रे पाहून विमान कंपनीच्या तांत्रिक कामासाठी काही खरेदी केल्याची शक्यता वाटली. मात्र सक्तवसुली संचालनालयाच्या मदतीने कागदपत्रांची सखोल तपासणी केल्यावर कर्जाचा वापर भलत्याच कारणासाठी झाल्याचा संशय सीबीआयने व्यक्त केला आहे.

मोबाईल अॅप डाउनलोड करा आणि राहा अपडेट

मेळघाटातील आजारांचे होणार संशोधन

म.टा. प्रतिनिधी, नागपूर

स्वातंत्र्याच्या साठीनंतरही कुपोषणाच्या दाढेतून मेळघाटची सुटका झालेली नाही. येथील आरोग्य सेवांची स्थिती केवळ दयनीय नाही, तर त्याभोवती आता संस्थांचादेखील फास आवळला जात आहे. त्यामुळे आदिवासी बांधव दोन्ही बाजूंनी भरडल्या जात आहेत. सातत्याने चर्चेत राहणाऱ्या मेळघाटातील या अनारोग्याची नाडी सुधारण्यासाठी आता सिम्स रुग्णालय आणि महान या संस्थांनी पुढाकार घेतला आहे. मेळघाटातील आदिवासींच्या आजाराची नेमकी कारणे शोधून काढण्यासाठी या दोन्ही संस्थांमध्ये बुधवारी सामंजस्य करार झाला.

कुपोषणामुळे मेळघाटात वर्षाकाठी हजारो बालके प्राण गमावतात. कुपोषण, बाळंतपणातील समस्यांमुळे अद्याप किमान उपचार करणारी यंत्रणाही येथे उपलब्ध नाही. त्यामुळे गर्भवती महिलांनादेखील प्राण गमवावे लागल्याची उदाहरणे आहेत. यावर नियंत्रण मिळवण्यासाठी स‌िम्स हॉस्पिटल आणि मेळघाट येथील मेडिटेशन, एड्स, हेल्थ अॅण्ड अॅडमिनिस्ट्रेशन ट्रस्टमध्ये (महान) हा सामंजस्य करार करण्यात आला.

या माध्यमातून स‌िम्स रुग्णालय मेळघाटात डॉ. जी. एम. टावरी केअर सेंटर नावाने टेस्टिंग लॅब सुरू करणार आहे. या लॅबमधील पाच जणांची टीम मेळघाटातील ग्रामीण भाग पिंजून काढल्यानंतर रुग्णांच्या रक्ताचे नमुने गोळा करून त्याची चाचणी व आजारांचे वर्गीकरण करणार आहे. सोबतच प्राणी व मनुष्याच्या संपर्कातून संक्रम‌ीत होणाऱ्या आजारांचेदेखील वर्गीकरण केले जाणार आहे. त्यामुळे मेळघाटातील आजारांवर संशोधन करून उपचाराची दिशा ठरविणे शक्य होणार आहे. मेळघाटात कुपोषण पाचवीला पुजले आहे. या कुपोषणाचा ट‌िबीशी निकट संबंध येतो. याखेरीज विशिष्ट प्रकारचे एचआयव्ही बाधित रुग्णही येथे आढळून येतात. त्यामुळे मेळघाटातील जनतेच्या आरोग्यावर संशोधनाची गरज आहे. संशोधनानंतर उपचारासंदर्भात शासनासोबत राहून धोरण तयार करण्यास मदत होईल, असे स‌िम्सचे संचालक डॉ. लोकेंद्र सिंग यांनी सांगितले. खेडेगावांमध्ये असलेल्या प्राथमिक आरोग्य केंद्र नामक व्यवस्था सुधारण्यासंदर्भातील उपाययोजना होणे आवश्यक आहे. संशोधनाला पुराव्यांची जोड मिळाल्यास आरोग्य धोरण ठरविण्यास मदत होईल. त्या अनुशंगाने सरकारला आराखडा सादर केला जाईल, असे ‘महान’चे डॉ. आशिष सातव यांनी सांगितले.

प्रयोगशाळाही ग्रामीण भागात सेवा करण्यास डॉक्टरांकडून नकार देणे आता कायमचेच झाले आहे. डॉक्टरमंडळींना ग्रामीण भागातील जनतेला आपल्या ज्ञानाचा फायदा करून द्यावा, असे वाटतच नाही. यामुळेच ग्रामीण आरोग्य अधिक भयावह होत आहे, ही बाब मेडिकलच्या माजी अधिष्ठाता डॉ. विभावरी दाणी यांनी निदर्शनास आणून दिली. तर, डॉ. राजपालसिंग कश्‍यप यांनी मेळघाट परिसरात स‌िम्सतर्फे क्षयरोग, एचआयव्ही, कुपोषणासह विविध आजारांवरील संशोधनासाठी प्रयोगशाळा तयार होणार असल्याचे सांगितले. ओ. पी. जेजाणी, डॉ. हातिम दागिनावाला यावेळी उपस्थित होते.

मोबाईल अॅप डाउनलोड करा आणि राहा अपडेट